كيف تفهم تقلب مزاج الانثى وما هو الحل مقاله لا تثمن بالذهب

حاجه إكتشفتها كده في خلال بحثي في سيكولوجية  Females و الهرمونات اللي مبهدلاهم :D

لما خطيبتك ولا مراتك و لا الكائن الأنثوي اللي مرتبط بيه أيا كان توصيفه و نوعه فجأه مودها يقلب و تبقي متضايقه و تسألها مالك ؟ و تقولك مفيش !
متفتكرتش إنها بتأفور أو بتدلع هو فعلا مفيش 😂
بس عشان نتفاهم ونعيش سوا بشكل كويس خلونا نفهم بعض و خلونا نناقش الموضوع علميا ..

الـ Play maker بتاع المود في المخ فينا ناقل عصبي كده إسمه الـ Serotonin أظن مشهور وكلنا عارفينه.
هذا الناقل العصبي الجميل اللي بيتسبب في تحسين المود بيتم إفرازه من المخ.
طبعا السيروتونين بيفرز بحساب عشان ميدخلناش في أمراض نفسيه.
و لكن في حاجات مهمه بيفرقوا الراجل عن الست و زي عدد الـ Serotonin Receptors أو المستقبلات العصبيه علي كل خليه , واللي إكتشفوا إنه عند الستات عدد المستقبلات دي أكتر بكتيييير !
طيب لما جسمنا عموما بيطلع سيروتونين كتيييير الجسم بيبدأ يعكس العمليه و يطلع بروتين إسمه SSR أو Selective Serotonin Re-uptake بالبلدي كده بروتين بيروح يجيب السيروتونين الزياده ده و يرجعه للخلايا العصبيه تاني.
و ده بقي ثاني إختلاف هو إن الستات عندهم نسبة البروتين ده قليله جدا !
فبيحصل الآتي بيستنفذوا كل كمية السيروتونين مره واحده ! تن تن تن تاااااا
و تبقي عايشه كده من غير سيروتونين , للأسف الجسم بيعيد إستخدام السيروتونين المستهلك بواسطة الخلايا عشان يكفي علي كل المستقبلات اللي فاتحه بوقها دي علي ما يصنع تاني الراجل هيجيب منين !
و عشان كده نسبة نزول السيروتونين في الستات دايما أكتر من الرجاله وده بيخليهم عرضه للإكتئاب أكتر وأكتر وأكتر.
و ده اللي بيخليها من عز الضحك و الفرفشه إديها نص ساعه تكون خلصت السيروتونين و تقلب علي طول , مالك يا حبيبتي .. مفيش , يا قلبي مالك ؟ .. مفيش ! , يا حبيبة حياة روح قلب ميتين سنينك السودا مالك ؟ .. مفيش :D
هو فعلا مفيش 😂
غير كده بقي أهم لاعب في نسبة السيروتونين عند الستات هرمون إسمه الـ Estrogen هرمون الإستروجين ده بقي بيحفز خروج السيروتونين و عشان كده في ستات كتير بعد وقوف المبيضين عن الشغل بعد سن معين او بعد الولاده مباشرة بيقل إفراز الإستروجين و بالتالي بيقل إفراز السيروتونين بنسبه واضحه مما يؤدي لإكتئاب يعرف بـ Postpartum Depression أو إكتئاب ما بعد الولاده , طب هل الست لو إحتاجت علاج تاخد إستروجين بقي ؟ لأ هو من أهم المساعدين لكن لازم Anti-depressant.
و الهرمون ده بقي الإستروجين الحلو ده أكتر هرمون متقلب عند الستات أصلا :D
لأسباب كتير فسيولوجيه مفهومه وأخري غير مفهومه عجز العلماء عن تفسيرها بس بيحصل.
يعني يا عيني الحاجات اللي بتثبت نسبة السيروتونين عندهم متقلبه , و كمان مبيعرفوش يخزنوا سيروتونين زينا بالعكس بيخلصوه مره واحده و كمان عندهم مستقبلات للسيروتونين أكتر مننا بكتير :D
طب تعمل إيه بقي ؟
خليك ناصح , بدل ما نقفش ونروح قافلين و مبوزين و ضاربين بعض بالجزم .. خليك صايع .. كلمتين حلوين , علي حته إنتي خسيتي علي فكره , حتي لو مجامله مشي أمورك إحنا في وضع فسيولوجي صعب دلوقتي :D
هوب الأوكسيتوسين يعلي و الدوبامين تلحقها بشيكولاتايه كده تاكلها تعليلها السيروتونين شويه هوب هتبقي معاك تمام و هتروح تكتب فيك قصايد شعر و تحط ستاتس الواتس راسي مالت ولقيت كتفك و إيدي وقعت لقيت كرشك و الحياه هتبقي أحلي زبادي في الخلاط <3